Маҳмуд Мурадов MPL турниридан ҳозиргача қанча зарар кўрганини очиқлади

"Мен ўзим ҳам айтдим, бу тарзда турнирларни ўтказиш бўлмайди, деб. Спортчилик фаолиятимни давом эттиришим кераклигига қарор қилдим. Ҳозир яна бошлаганман спортчилик карьерамни. Бир-икки йил давом эттираман.

Лекин Muradov Professional League'ни ҳам яна бошлаймиз. Бундан фойда олмадим. Тахминан 700 минг АҚШ доллари минусга кирдим. Жами 9 та турнирнинг ўзидан шунча йўқотиш. Ҳомийлар ҳам унчалик кўп пул ажрата олмайди. Битта турнир учун энг камида 80-100 минг АҚШ доллари атрофида харажат кетади. 

Қўқондаги турнирда ҳам жуда кўп пул кетди. Ҳатто октагонни ҳам Россиядан олиб келдик. Биз қилганга яраша яхши турнир ўтказишни хоҳлаймиз. Марказий Осиёда UFC Fight Pass билан биринчи бўлиб биз шартнома туздик ва бу келишув ҳозир ҳам амалда", деди Мурадов. 

Эслатиб ўтамиз, MPL ўзининг сўнгги турнири бўлмиш тўққизинчи мусобақасини 2024 йилнинг май ойида Тошкентда ўтказганди.