Маҳмуд Мурадов навбатдаги жангини қайси ойда ўтказишини маълум қилди

UFC жангчимиз Маҳмуд Мурадов Инстаграмдаги саҳифасига машғулот жараёни акс этган видео жойлади ва «Навбатдаги жанг санаси ва рақиб номи маълум. Ажойиб янгиликларни кутинг», - дея изоҳ қолдирди. Olamsport.com сайти мухбири спортчи билан боғланиб жанг санаси ва рақиб номига ойдинлик киритишга ҳаракат қилди.

«Жанг март ойида АҚШда бўлиб ўтади. Ҳозирча рақиб номини эълон қила олмайман. Европада Анкос ММА залида машғулотларни давом эттираман. Жангга бир ҳафта қолганда АҚШга йўл оламан», - деди Мурадов. 

Маълумот учун, UFC март ойида АҚШ худудида 3 та турнир ўтказишни режа қилган.