24 дек 12:18
Янгиликлар

Бокс/ММА

Маҳмуд Мурадов навбатдаги жангини ТОП-15 жангчисига қарши ўтказиши мумкин

Ўзбекистонлик аралаш қоидалар жангчиси Маҳмуд Мурадов UFC рейтингида ТОП-15га кирган спортчига қарши жанг қилиши мумкин.

Бу ҳақида у Инстаграмдаги саҳифасида маълум қилди.

"Навбатдаги жангимга тайёргарликни бошладим. Энг аввало, қўллаб-қувватлаганингиз учун барчангизга миннатдорчилик билдирмоқчиман. 2020 йилда Худо хоҳласа бизни катта ишлар кутиб турибди.

Навбатдаги жанг юзасидан музокараларни олиб бормоқдамиз. Насиб қилса, яқин кунларда жанг санаси ва рақиб номини маълум қиламиз. Рейтингда кучли 15ликка кирган спортчининг шартномага имзо чекишини кутяпмиз", - деб хабар қолдирган Мурадов.