27 ноя 10:22
Янгиликлар

Бокс/ММА

Маҳмуд Мурадов промоушенининг иккинчи турнири тўлиқ карди маълум (Жуфтликлар)

Теглар : Маҳмуд Мурадов Шоҳасан Мирзаматов

UFC промоушенидаги илк жангчимиз Маҳмуд Мурадов ўзининг МPL (Muradov Professional League) лигасидаги иккинчи ММА оқшомини ўтказади.

5 декабрь куни Андижон шаҳрида ташкил этиладиган PFL турнирида жами 14 та жуфтлик октагонга кўтарилади. Оқшомнинг асосий кардида 5 та, прелиум кардда эса 9 та жанг ўтказилиши режалаштирилган.

Марказий жанги кутилганидек, ҳамюртимиз Шоҳасан Мирзаматов иштирокида бўлиб ўтади. 22 октябрь куни Тошкентда ўтган илк PFL турнирида ҳам Мирзаматовнинг жанги оқшомнинг марказий тўқнашуви бўлган эди.

Шоҳасан 5 декабрь куни аргентиналик тажрибали ММА жангчиси Роберто Пасучга қарши октагонга кўтарилади. Пасуш фаолияти давомида яримўрта вазн (77.11 кг) тоифасида 8 ғалаба ва 5 мағлубият қайд этган. Сўнгги жангини 2019 йилнинг 5 октябрь куни Мик Мокойокога қарши ўтказиб, рақибини биринчи раунддаёқ мағлубиятга учратган эди.