23 янв 11:17
Янгиликлар

Бокс/ММА

Маҳмуд Мурадов UFC билан музокара олиб боряпти

Аралаш қоидалар бўйича машҳур спортчимиз Маҳмуд Мурадов шу йилнинг ўзида UFCда дебют қилиши мумкин.

Бир неча йилдан бери фаолиятини Чехиянинг Прага шаҳрида давом эттираётган ҳамюртимиз энг нуфузли ҳисобланган - UFC йўналишига ўтишга яқин турибди. Мурадов XFN йўналиши бўйича жаҳон чемпиони ҳисобланади.

Ҳозирда у АҚШда бўлиб турибди ва хатто афсонавий Флойд Мейвезер билан учрашишга муваффақ бўлди. Маҳмуд Мурадов Мейвезерга тегишли Mayweather Promotions промоутерлик компанияси билан шартнома имзолаган эди.

"Яна 2 ёки 3та жанг ўтказганимдан кейин UFCга ўтаман. Мени бошқа йўналиш компаниялари қизиқтирмайди. Фақат - UFC! Айни пайда бу борада музокара олиб боряпмиз. Тез орада янгилик бўлиб қолади", - дея мухлислар билан ижтимоий тармоқ саҳифасидаги мулоқотда фикр қолдирган Мурадов.