06 фев 10:31
Янгиликлар

Бокс/ММА

Маҳмуд Мурадов UFC ва Дана Уайтга мурожаат қилди

Ҳамюртимиз 4 февраль тонгида UFC Fight Night 235 турнири доирасида россиялик Алиасхаб Хизриев билан жанг қилган эди.

Бироқ жанг ҳамюртимизнинг эрта жароҳат олиши натижасида тўхтатилиб, "ўтказилмаган" дея топилган эди.

Мурадов шу борада лига ва унинг раҳбари Дана Уайтга мурожаат қилди.

"Дана Уайт ва бутун UFC жамоасига меҳнати ва бизга қилаётган ғамхўрлиги учун ўз миннатдорчилигимни билдирмоқчиман.

Мен ҳар доим UFC дунёдаги энг яхши лига эканлигини билардим, лекин бу воқеадан кейин ишонч билан айта оламанки, биз UFC учун шунчаки жангчи эмасмиз - биз учун қилаётган ҳаракатларингиз учун катта раҳмат.

Кўзим яхши, тикланиш учун вақт керак!

Қўллаб-қувватлаганингиз учун барчангизга катта раҳмат", - деб ёзди Мурадов.

Аввалроқ, Маҳмуднинг ушбу жанг орқали қанча гонорар ишлаб олгани ҳақида хабар берган эдик.