04 янв 09:19
Янгиликлар

Бокс/ММА

Маҳмуд Мурадов UFCда жанг қилган илк ўзбекистонлик бўлишга яқин

Февраль ойида Чехия пойтахти Прага шаҳрида ушбу мамлакат заминидаги илк UFC оқшоми бўлиб ўтади.

Хабарингиз бор, бир неча йилдан бери Чехияда аралаш қоидалар бўйича ўзбекистонлик таниқли ММА жангчиси Маҳмуд Мурадов фаолиятини олиб боряпти. Ҳамюртимиз XFN йўналиши бўйича жаҳон чемпиони ҳисобланади.

"Чехиядаги илк UFC оқшомида жанг ўтказишни жуда ҳам истаяпман. Агар бу режа амалга ошса, у ҳолда UFCда жанг қилган илк ўзбекистонлик спортчига айланаман", - деди Мурадов.

Эслатиб ўтамиз, Флойд Мейвезерга тегишли промоутерлик компанияси билан шартномаси бор Маҳмуд Мурадов яқинда польшалик Гржегорж Сивига қарши октагонга чиқиб, рақибини учинчи раундда нокаутга учратган эди.