Маҳмуд Мурадов UFC'даги ўзбекистонликлар ҳамда Рамазон Темировнинг келажаги ҳақида гапирди

- Эшитган бўлсангиз керак, яқинда UFC'даги жангчиларимиз сони яна кўпайди, Нурсултон ва Гусков қўшилди. Рўзибоев илк жангини ғалаба билан бошлади...

"Қанча кўп ўзбекистонлик жангчилар бўлса, UFC Худо хоҳласа Ўзбекистонга келади. Ўзбекистонда жанг қилиш - бу менинг орзуим, ота-онам, яқинларим менинг жангимни кўришади. Яқинда, менимча, яна бир-иккита ўзбекистонлик жангчи бўлади UFC'да. Сабаби, бизда яхши жангчилар бор ва UFC уларнинг чиқишларини, ғалабаларини кузатяпти. Шу ўринда, мухлисларга каттакон раҳмат айтмоқчиман, чунки сизлар юбораётган байроқлар-у, мотивацион сўзлар бу - жуда муҳим қўллаб-қувватловдир. Шундай экан, барчангизга раҳмат айтамиз!".

Ҳамюртимиз, шунингдек, ўзбекистонлик илк RIZIN жангчиси Рамазон Темиров ҳақида ҳам гапирди:

"Рамазонда ҳозир RIZIN билан йил охиригача мўлжалланган иккита жангдан иборат шартнома мавжуд. Балки, битта жангидан сўнг Дана Уайтнинг даъвогарлар сериясига ёки UFC'га шартнома тузармиз. Ҳозирча шартномамиз бор, кўрамиз, ҳали вақт бор".