19 янв 07:29
Янгиликлар
Бокс/ММА
Маҳмуд Мурадов UFC'га қайтиши ҳақидаги саволга жавоб берди
Ўрта вазн тоифасида ўзбекистонлик UFC собиқ жангчиси, ҳозирда Чехиянинг Oktagon MMA Лигасида вақтинчалик чемпион унвони соҳиби Маҳмуд Мурадов Дана Уайт бошчилигидаги Лигага яна қайтиши мумкинлиги ҳақидаги саволга жавоб қайтарди.
"Йўқ. Қайтмаймиз. Шу ерда, Европада жанг қилиб юраман. Oktagon MMA билан яхши шартномам бор. Яхши пул тўлашяпти. Медиа ҳам яхши. Мен бу Лигада чемпионман. Шу ерда жанг қилаверамиз", деб айтиб ўтган Мурадов ўзининг Instagram расмий саҳифасида.
Маълумот учун, 35 ёшли Маҳмуд Мурадов (29-8-0) UFC'да 2019-2024 йиллар давомида 6 та жанг ўтказиб, 4 та ғалаба ва 2 та мағлубият қайд этган.
Ҳавола :
Манба : instagram.com/makhmud_muradov
Фикрлар