19 янв 08:53
Янгиликлар

Бокс/ММА

Маҳмуд Мурадовнинг рақиби ўзгарди

Хабар берганимиздек, 24 январь куни Польшанинг Тарнув шаҳрида аралаш яккакурашлар бўйича Fame 29 турнири ўтказилади.

Унда ўзбекистонлик собиқ UFC жангчиси Маҳмуд Мурадов ҳам иштирок этади. Аввалроқ, Мурадовга турнир доирасида польшалик 29 яшар Денис Лабрига рақиб бўлиши ҳақида хабар бергандик.

Бироқ маълум бўлишича, Маҳмуд Fame 29 оқшомида бошқа бир польшалик спортчи — Марчин Сьянос билан тўқнаш келади. Жанг кўргазмали кик-бокс (К-1) қоидалари бўйича ўтказилади.

Маълумот учун, Маҳмуд Мурадов профессионал фаолияти давомида 37 та жанг ўтказиб, 29 ғалаба ва 8 мағлубият қайд этган. Сьянос ҳисобида эса 8 ғалаба ва 9 та мағлубият бор.