Маҳмуд Мурадовнинг сўнгги рақиби бўлмай қолган Мишель Перейра "Сфера"да жанг қилади

Ўрта вазн тоифаси вакили Мишель Перейра Энтони Эрнандесга қарши октагонга чиқади. Ушбу жанг 14 сентябрь куни АҚШнинг Невада штати Лас-Вегас шаҳридаги маҳобатли "Сфера" аренада бўлиб ўтади.  

Бразилиялик 31 ёшли Мишель Перейра 8 та ғалабали серия билан келмоқда. У шу йилнинг май ойида Рио-де-Жанейрода ўтган UFC 301 турнири доирасиданг жангининг 54-сониясидаёқ украиналик Игорь Потеряни мағлубиятга учратганди. Аслида ўша жангда Потерянинг ўрнида Маҳмуд Мурадов бўлиши керак эди. Лекин Мурадов бўйнидаги яраси сабаб жангдан бой тортган ва кейинчалик UFC`дан четлатилганди. 

Америкалик 30 ёшли Энтони Эрнандес эса шу йилнинг февралида кетма-кет бешиничи ғалабасини тантана қилган эди. У Анахаймда ўтган UFC 298 турнирида россиялик Роман Копиловни иккинчи раундда нокаутга учратганди. Айни пайтда Мишель Перейра UFC ўрта вазнлилар рейтингида 13, Энтони Эрнандес эса 14-ўринни эгаллаб турибди.