Маҳмуд Муродов учта жанги учун UFC'дан қанча гонорар олган? Жангчининг ўзи жавоб берди

"Биринчи жангимдан 43500$ гонарар олганман. Иккинсидан 94000$, учинчи жангимдан эса 105000$ миқдоридаги гонорарга эга бўлганман. 

Энди эса менинг ҳаражатларимни эшитинг. 30% солиқлар, 10% дан ҳар бир мураббийимга, умумий ҳисобда икки мураббий 20%. Умумий ҳисобда 50%. Шу билан бирга 15% менежеримга, 10% эса йўл ҳаражатлари учун. UFC фақатгина мен ва биргина мураббийимга учиш ҳаражатларини тўлайди. Қолганини эса ўзим тўлайман. Тайёргарликларга ҳам камида 10-20% ҳаражат кетади. Шунда менда қанча қолади? Фақатгина 20 фоиз", - дейди Маҳмуд Муродов.

Эслатиб ўтамиз, Маҳмуд Муродов UFC'даги уч жангининг иккитасида "Кечанинг энг яхши чиқиши" учун бонусга эга бўлган ва 50000$ миқдоридаги мукофот пулини қўлга киритган. Иккинчи ва учинчи жанглардаги гонарарларнинг биринчи жангдагисидан сезиларли равишда кўплигига сабаб ҳам айнан шу.