Макгрегор битта жанг билан Forbes рейтингида қайд этилди

Рейтингда 100 нафар спортчи бўлиб, унинг 21-поғонасидан Конор Макгрегор жой олган. Нашр унинг соф даромадини 47 миллион долларга баҳолади. Ўтган бир йил ичида Конор биттагина жанг ўтказган. 

Хабибга қарши ўтказган жанги унга рекорд даражадаги гонорар келтирди. Конор кафолатланган 3 миллион доллардан ташқари, рекорд даражадаги PPV, яъни пулли трансляциядан 30 миллион долларга эга бўлди. 

Reebok билан йиллик 5 миллион доллардан иборат ҳомийлик шартномасини имзолади. Beats Electronics, Burger King, Monster Energy, Anheuser-Busch InBev ва Budweiser компаниялари билан имзоланган шартномалар ҳам Конорга яхшигина пул олиб келади.

Ўтган йилги рейтингда Конор Макгрегор 99 миллион доллар билан 4-ўринда қайд этилганди. Ўшанда Флойд Мейвезерга қарши бокс қоидалари асосида ўтказган жанги унга катта гонорар келтирганди.