Макгрегор иштирок этадиган UFC 303 турнирининг яна бир катта жанги эълон қилинди

Куни кеча мусобақа ташкилотчилари яна бир жангни эълон қилди.

Унга кўра, турнир доирасида яна бир ирландиялик аралаш якка кураш устаси - ярим ўрта вазндаги Иэн Мачадо Гэрри октагонга кўтарилади. Унга ўша куни англиялик Майкл Пейж рақиблик қилади.

26 ёшли Мачадо Гэрри фаолияти давомида 14 та жанг ўтказиб, уларнинг барчасида ғалаба қозонган. Пейж эса 24 та жангда 22 та ғалаба, 2 та мағлубият қайд этган. У 37 ёшда.

Маълумот учун, UFC 303 мусобақасининг марказий жанги Конор Макгрегор ва Майкл Чендлер ўртасида кечади.