Макгрегор Махачев - Порье жангига муносабатини билдирди

Ирландияликнинг айтишича, марказий жанги Ислам Махачев ва Дастин Порье ўртасидаги енгил вазн чемпионлиги учун бўлган тўқнашуви учун 500 000 пуллик трансляция сотилган.

"UFC 302 турнири учун 500 минг пуллик трансляция сотилибди. Бу шунчаки тешик кулча, бошқа таъриф топа олмадим", - дея ўзининг ижтимоий тармоқдаги саҳифасида хабар қолдирган Конор.

Махачев чемпионлик ҳимоя жангининг сўнгги бешинчи раундида Порьени бўғиш усули билан мағлубиятга учратган эди. Яқинда Исламнинг менежери унинг мижози Конор билан жанг қилишга қарши эмаслигини айтганди. 

"Конор Чендлерни биринчи раунднинг ўзида нокаут қилиши мумкин. У жаҳон спортидаги катта номлардан бири. Уни яхши кўрасизми ёки йўқ, агар у Майклни мағлуб этса, Данадан чемпионлик учун имконият сўрайди. Шундай бўлган тақдирда, Ислам ҳам бу жангга йўқ демайди. Бу катта жанг ва табиийки, катта пуллар", - деди Абдел-Азиз Submission Radio радиосига берган интервьюсида. 

Эслатиб ўтамиз, Конор Макгрегор ва Майкл Чендлер ўртасида яримўрта вазн тоифасида ўтказиладиган жанг 29 июнь куни Лас-Вегас шаҳрида ташкил этиладиган UFC 303 турнири доирасида бўлиб ўтади.