Макгрегор ўзи иштирокидаги бекор бўлган матбуот анжуманига муносабат билдирди

Ирландия пойтахти Дублин шаҳрида ўтказилиши белгиланган жанг бекор қилинганди. Ташкилотчилар эса бунга нима сабаб бўлганига изоҳ ҳам беришмаганди. Конор бу вазиятга ўз фикрини билдириб, Майкл Чендлер билан жангига бағишланган матбуот анжуманининг қолдиришига ҳеч қандай алоқаси йўқлигини айтди.

"Биз UFC билан Дублинда матбуот анжумани ўтказишга келишиб олгандик. Лекин бизга алоқадор бўлмаган ҳолатлар сабаб бу тадбир бекор қилинди. Ирландиялик мухлислардан, ҳамюртларимдан, бутун дунёда менга бефарқ бўлмаган инсонлардан ўзимга боғлиқ бўлмаган ҳолат учун узр сўрайман. Ҳамиша сизнинг қўллаб-қувватлаб туришингизни ҳис қилганман. Октагонга қайтиб, барча даврлардаги энг ажойиб шоу кўрсатишни сабрсизлик билан кутяпман", - деди уч йиллик танаффусдан сўнг "қафас"га қайтаётган Конор. 

Эслатиб ўтамиз, яримўрта вазнда ўтказиладиган Конор Макгрегор - Майкл Чендлер жанги 29 июнь куни Лас-Вегас шаҳрида ташкил этиладиган UFC 303 турнирининг марказий тўқнашуви бўлади. UFC раҳбари Дана Уайтнинг хабар беришича, бу турнир учун рекорд даражада - 20 миллион долларлик чипталар сотиб бўлинган.