МакГрегор Хабиб билан бўлган жанжал ҳақида эслади

"Жанжал бошланишидан аввал жанг якунланганди. Хабиб уруш келтириб чиқариш учун, атайлаб клеткадан сакради. У қўрқоқ. Оломонни орасида қолиб кетганидан сўнг қочишни бошлади. У доим каламушга ўхшаб ҳаракат қилган. У тартибсизлик келтириб чиқаришни истади. Ўша пайт мен ҳам унга ўхшаб клеткадан сакрамоқчи эдим. Лекин, унинг акаси мени олдимга югуриб келди. Кейин мен уни урдим, шу тариқа октагонда ҳам уруш бўлиб кетди. Хабибнинг шериги билан уришаётганимда, иккинчиси келиб менга ташланди. У билан ҳам уришиб кетдим. Жанжалдан қолган охирги эсдалик, яна бир одам мени олдимга жуда тез югуриб келиб урмоқчи эди, лекин мен унга ҳам қақшатқич зарба бердим. Бу кечанинг охирги зарбаси эди ва мен ғолиб бўлиб тарк этдим", - деб ўзини хурсанд қилди МакГрегор.