Макс Холлоуэй Чарльз Оливейрадан қабул қилган мағлубиятига илк бор изоҳ берди

Шундай бўлса-да, камарни йўқотган америкалик жангчининг бразилияликка ҳеч қандай эътирози йўқ, у партерда назоратга эътибор қаратди ва ҳакамларнинг якдил қарори билан ғалабани қўлга киритди.

"Энг баланд кўтарилишлар ва энг оғир қулашлар. Шанба оқшоми меники эмасди. Оила аъзоларим, дўстларим ва мухлислардан уларга панд берганим, уялтириб қўйганим учун узр сўрайман. Оливейрага ҳурмат - у ўз ишини қилди. У ўз даражасини кўрсатди, шунинг учун мен унинг олдида шляпамни ечаман.

Менинг томонимдан ҳеч қачон ҳеч қандай баҳона бўлмаган - бу сафар ҳам бўлмайди. Мен илгари ҳам шундай вазиятда бўлганман ва ўзим хоҳлаган жойга қайтиш учун қандай ишларни бажариш кераклигини биламан. Биз ҳали тугатишдан жуда узоқдамиз. Чўққида кўришгунча!", - деб ёзди Холлоуэй ижтимоий тармоқдаги саҳифасида.

Лас-Вегасдаги UFC 326 турнирининг марказий жангида Холлоуэйни ҳакамларнинг якдил қарори билан мағлуб (50-45, 50-45, 50-45) этган Оливейра BMF чемпионлик камарини  қўлга киритган ва бу билан 11 йил аввал биринчи раунддаёқ Максдан қабул қилиб олган мағлубияти учун реванш олганди.