Макс Холлоуэй қачон октагонга қайтишини маълум қилди

Америкаликнинг айтишича, у 2024 йилнинг биринчи чорагида октагонга қайтади.

"Ҳеч кимга "вызов" ташлаш ниятим йўқ. Келаси йилнинг февраль ёки март ойида октагонга қайтсам, зўр иш бўларди. Агар UFC мен рад эта олмайдиган даражада таклиф билан чиқса, у ҳолда яна ўйлаб кўришим мумкин. Бу йил яна жанг қилишим учун қандайдир ноодатий таклиф бўлиши керак. Лекин жароҳатларимни инобатга олсак, катта эҳтимол билан 2024 йилнинг биринчи чорагида қайтаман. Қолаверса, рафиқам билан ҳал қилишимиз керак бўлган баъзи ишлар ҳам бор", — деди Холлоуэй.

Эслатиб ўтамиз, Макс август ойида ўтказилган UFC Fight Night 225 турнирида кореялик "Зомби" Чон Чхан Сонни учинчи раундда нокаутга учратган эди. Ўша мағлубиятидан сўнг Сон фаолиятини якунлаганини расман эълон қилганди.