07 мар 16:25
Янгиликлар

Бокс/ММА

Макс Холлоуэй ва Чарльз Оливейра эртанги жанг учун қанча гонорар олади?

Бизнинг вақт билан эртага тонг саҳарда Лас-Вегас шаҳридаги "Ти-Мобайл" аренада аралаш яккакурашлар бўйича UFC 326 турнири бўлиб ўтади.

Кечанинг асосий жанги Макс Холлоуэй ва Чарльз Оливейра ўртасида енгил вазн тоифасидаги BMF камари учун кечади. Макс ва Чарльз ўртасидаги жанг учун гонорарлар ҳозирча расман ошкор қилинмаган. Аммо бразилиялик собиқ чемпион Оливейра польшалик Матеуш Гамрот билан аввалги жанги учун 571 000 доллар олганди, шундан 50 минг доллари энг яхши натижа учун бонус, 21 минг доллари эса ҳомийлик тўловлари, деб хабар беради Sporty Salaries портали.

2025 йилнинг ёзида америкалик спортчи Дастин Порьега қарши жанг учун Макс Холлоуэй тахминан 1,54 миллион доллар ишлаб топганди.