Макс Холлоуэй Хабиб Нурмагомедовга "ответ" қилди

Бир неча кун олдин, собиқ UFC чемпиони Хабиб Нурмргомедов Волкановскини ушбу қарама-қаршиликда фаворит деб айтганди.

"Эҳтимол, у Волкановскида олов кўпроқ эканлигини айтганида, Хабиб Алекс олиб борадиган пазандачилик шоусини назарда тутгандир. Хабиб хоҳлаганини айтиши мумкин. Лекин мен у нима ҳақида гапираётганини билмайман. Ундан фарқли равишда мен ҳамон жанг қиляпман. 

Бу жангни интиқлик билан кутаман ва ўз ишимни бажараман. Атрофда ҳар хил бемаъни гапларни гапирадиганлар кўп. Шанба куни биз уларнинг гаплари қанчалик тўғри эканлигини ва менда ҳам олов бор-йўқлигини билиб оламиз", — деди Холлоуэй. 

Эслатиб ўтамиз, Алекс Волкановски ва Макс Холлоуэй ўртасидаги чемпионлик жанги 2 июль куни Лас-Вегас шахридаги UFC 276 турнири кардида бўлиб ўтади.