13 авг 14:26
Янгиликлар
Дзюдо
Маматраҳимов шарафига Эквадорда Ўзбекистон мадҳияси янгради + ФОТО
Эквадорнинг Гуаякиль шаҳри мезбонлик қилаётган дзюдо бўйича ёшлар ўртасидаги жаҳон чемпионатининг яна бир куни ортда қолди.
Қувонарлиси, кечаги кунги беллашувлар Ўзбекистон терма жамоаси учун ҳам омадли келди. -90 кг вазн тоифасидаги баҳсларда юртимиз шарафини ҳимоя қилган Жаҳонгир Маматраҳимов жаҳон чемпионатининг олтин медалини қўлга киритди.
Иккинчи даврадан баҳсларга қўшилган дзюдочимиз финалга қадар Айдар Арипов (Қозоғистон), Карл Баатхе (Швеция), Алекс Кретни мағлубиятга учратди. Олтин медал учун кечган беллашувда эса венгриялик Петер Сафранидан устун келди. Петер илк учрашувидаёқ япониялик Тодакани мусобақадан чиқариб юборган эди.
Эслатиб ўтамиз, жаҳон чемпионатининг биринчи куни Азизбек Ортиқов (-66 кг) Ўзбекистон терма жамоасига кумуш медални тақдим этган эди.
Ўзбекистон дзюдо федерацияси матбуот хизмати
Ҳавола :
Манба : t.me/judouz
Фикрлар