Мамлакатимиз яна катта спорт байрамига мезбонлик қилади

Ўзбекистон республикаси спортни ривожлантириш вазирлиги, Жаҳон белбоғли кураш ассоциацияси, Ўзбекистон миллий олимпия қўмитаси, Наманган вилояти ҳокимлиги, Наманган вилояти прокуратураси, Ўзбекистон белбоғли кураш федерацияси ташаббуси билан ушбу жаҳон чемпионатида Грузия, Бельгия, Эрон, Россия, Покистон, Хитой, Италия, Туркия, Камерун, Бразилия, Молдова, Ҳиндистон, Мўғулистон, Латвия, Эстония, Қозоғистон, Тожикистон каби дунёнинг қатор давлатларидан энг сара полвонлари иштирок этади.

Мазкур жаҳон чемпионатида эркаклар белбоғли кураш бўйича 8 та вазн тоифасида куч синашишса, аёллар 5 та вазнда беллашади. 8 сентябрь куни ҳакамлар семинари ва ОАВ вакиллари учун матбуот анжумани ташкил этилади. 9 сентябрь куни эса белбоғли кураш бўйича ғолиблар аниқланса, 10 сентябрь куни белбоғли курашнинг эркин йўналишда баҳслар бўлиб ўтади. 

Шунингдек, 9 сентябрь куни Ўзбекистон Республикаси Президенти соврини учун катталар (эркаклар ва аёллар) ўртасидаги жаҳон чемпионатининг тантанали очилиш маросими ҳам ўтказилади. Айни пайтда мусобақада иштирок этиш истагини билдирган спорт делегациялари кутиб олинмоқда.

Илҳом РАҲМОНОВ тайёрлади