30 авг 15:36
Янгиликлар

Футбол

"Ман Сити" "Ливерпуль" футболчисига 99 млн таклиф қилишга тайёр — Романо

Англиянинг "Манчестер Сити" клуби ярим ҳимоячи Коди Гакпонинг "Ливерпуль"дан трансфери бўйича футболчининг атрофидаги инсонлар билан келишувга эришгач, £ 85 млн (€ 99 млн) таклиф қилишга тайёрланмоқда.

Бу ҳақда инсайдер Фабрицио Романо "Х" ижтимоий тармоғида хабар берди.

Манба маълумотларига кўра, "шаҳарликлар" битимни якунлаш учун ҳаракатларни фаоллаштирмоқда. "Манчестер Сити" "Ливерпуль" футболчига ўринбосар топганидан сўнг, сотувга розилик беришини кутмоқда.

27 ёшли нидерландиялик футболчи 2023 йилнинг январь ойидан бери мерсисайдликлар шарафини ҳимоя қилиб келмоқда. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. "Transfermarkt" порталида келтирилган маълумотларга кўра, футболчининг бозор қиймати 60 миллион еврони ташкил этади.