15 апр 15:14
Янгиликлар
Хоккей
Манба — "Ҳумо" хоккей клуби Қозоғистон чемпионати иштирокчилари рўйхатидан чиқарилиши ёки тўлиқ Қозоғистонга кўчиб ўтиши мумкин
Спорт журналисти Шерзод Нурматов ўзининг Telegram'даги саҳифасида "Ҳумо" жамоасининг келажаги мавҳум қолаётганини очиқлади.
"Норасмий маълумотларга қараганда, "Ҳумо" хоккей клуби кейинги мавсум қайси чемпионатда иштирок этиши номаълум. Сабаби Қозоғистонда яқин келажакда қонунчиликка ўзгартиришлар киритилиши мумкин, унга кўра хорижий клублар ушбу мамлакат чемпионатида ўйнай олмайди.
Яна бир миш-мишга кўра, "Ҳумо" Қозоғистонда қўним топади. Жамоа янги йил пайтида Тошкентга келади. Таркиб эса 90% қозоғистонликлардан иборат бўлади", деб ёзган Нурматов.
Аввалроқ, Тошкентнинг "Ҳумо" клубида якунига етган мавсумда Қозоғистон чемпионатининг бронза медалларини қўлга киритиш имконияти мавжуд эди, бироқ чемпионат регламентига кўра, совриндор жамоа хорижий бўлгани учун медаллар Тошкент клубига берилмади.
Ҳавола :
Манба : t.me/uz_eksport
Фикрлар