“Манчестер Сити” Беллингем учун Грилишни сотиб юборади

Англия терма жамоаси ва “Боруссия” Дортмунднинг ёш юлдузи Жуд Беллингемни қўлга киритиш учун Европанинг бир қатор топ-клублари жиддий рақобатга киришган. Бу кураш январда янада алангаланиши табиий. 19 ёшли футболчига даъвогар клублар олдиндан ҳаммасини ҳал қилиб қўйишга интилмоқда.

Аввалроқ, “Ливерпул”нинг келишувга эришиш борасида имкониятлари юқори баҳоланаётган эди. Энди “шаҳарликлар” англиялик ёш иқтидор эгасини ўзиники қилиш учун ва унга кетадиган улкан трансфер маблағларини қоплаш учун жамоа аъзоси Жек Грилишдан воз кечишга тайёр эканини билдирди. Бу билан АПЛ чемпионлари ишга жиддий киришганларини кўрсатмоқдалар. Иккала футболчи ҳам айни пайтда Қатарда Англия термаси таркибида ҳаракатланмоқда.

27 ёшли Жек Грилиш жорий мавсумда жами 16 та ўйинда иштирок этди ва 1 та гол урди. Унинг ҳисобида, шунингдек,  “уч шерлар” таркибида мундиалда киритилган гол ҳам мавжуд.