"Манчестер Сити" Ҳусановга Италия А Сериясидан рақобатчи топди

"City Xtra" порталининг хабар беришича, ҳимоя чизиғига алоҳида эътибор қаратилади.

Қайд этилишича, "шаҳарликлар" "Удинезе"нинг 25 ёшли франциялик ҳимоячиси Умар Солега жиддий қизиқиш билдирмоқда. Нархи 30 млн еврога баҳоланган ҳимоячи "Ливерпуль" ва "Челси"нинг шорт-листида бор, аммо айнан "Сити" фаол музокараларни биринчи бўлиб бошлаган.

"Сити" қишда Абдуқодир Хусанов ва Витор Рейсни сотиб олди. Ўзбекистонлик ёш ҳимоячи тезда мослашиб кетди ва бошланғич таркибда бир неча учрашувда майдонга тушди.

Манбаларга кўра, Хосеп Гвардиоланинг шахсан ўзи Ҳусанов билан ёзда янада яқиндан ишлай бошлаши, уни келажакда асосий ҳимоявий ролга тайёрлашни режалаштирган. "Шаҳарликлар" бош мураббийи 20 ёшли иқтидорнинг салоҳиятига ишонади ва уни келаси мавсумгача "Сити" тизимига тўла мослаштирмоқчи.

Соленинг қўшилиши рақобатни кучайтириши керак, бироқ клуб асосий жамоанинг ҳозирги ўйинчиларидан – Аке, Стоунз ёки Аканжининг кетиши мумкинлигини инкор этмаяпти.

Шу билан бирга, "Ювентус"дан Андреа Камбьясони трансфер қилиш варианти кўриб чиқилмоқда, бу клуб раҳбарияти жиддий мақсадларни олдига қўйганини англатади.