"Манчестер Сити" кўплаб молиявий қоидаларни бузганликда айбланмоқда

Таъкидланган қоидабузарликлар 2009-10 йилги мавсумдан 2017/18 йилги мавсумгача бўлган даврни қамраб олади. "Шаҳарликлар" лига қоидаларини бузган бўлиб, клубнинг молиявий аҳволини тўғри ва адолатли кўрсатувчи тўғри молиявий маълумотларни бермаган. Лига даромадлар билан боғлиқ аниқ молиявий маълумотни талаб қилади. 

Рўйхатдаги қоидабузарликларнинг иккинчи тўплами лигага аъзо клуб томонидан 2009/10 ва 2012/13 мавсумлар оралиғида бош мураббий билан тузилган шартномаларда унинг иш ҳақи тўғрисидаги аниқ маълумотларнинг киритилмагани кўрсатилмоқда. 2009 йил декабридан 2013 йилнинг майигача "Ман Сити"ни Италия терма жамоасининг амладаги бош мураббийи Роберто Манчини бошқарган. Шунингдек, Иккинчи тўплашга 2010/11 йилги мавсумдан 2015/16 йилги мавсумгача бўлган даврда ўйинчиларнинг маоши билан боғлиқ аниқ маълумотларнинг тақдим этилмагани қайд этилган.

Учинчи бўлим 2013/14 йилги мавсумдан 2017/18 йилги мавсум оралиғида УЕФА молиявий фейр-плей қоидаларига амал қилишни талаб этувчи Премьер-лига қоидаларидир.

"Манчестер Сити" юқорида санаб ўтилган қоидабузарликларидан ташқари даромадлар ва молиявий барқарорлик тўғрисидаги ва Премьер-лига билан ҳамкорлик қилиш ҳамда терговларга ёрдам беришни талаб қилувчи қоидаларни бузгани аниқланган.