"Манчестер Сити" мавсум охирида яна бир афсонани йўқотади – Гвардиола Де Брюйнедан кейин инқилобни режалаштирмоқда

Ижара асосида "Милан"да ўйнаётган "Манчестер Сити"нинг ўнг қанот ҳимоячиси "шаҳарликлар"ни тарк этади. Бу ҳақда нуфузли инсайдер Фабрицио Романо хабар берди.

"Манчестер Сити ва Кайл Уокер ўртасидаги тарих "Милан"нинг бўлажак қароридан қатъи назар ёзда тугайди. "Россонерлар"да Уокерни сотиб олиш имконияти бор, аммо қарорни жамоа янги директори қабул қилади. Уокер "Сити"да қолмайди, чунки клуб аллақачон янги ўнг қанот ҳимоячиси изламоқда", – деди Романо.

Эслатиб ўтамиз, Хосеп Гвардиола жамоасини Уокердан ташқари Кевин де Брюйне ҳам тарк этади. Бельгиялик футболчи эркин агент сифатида кетмоқда.