05 июн 12:54
Янгиликлар

Футбол

"Манчестер Сити" "Реал"га 90 миллион евро беришга тайёр

"Манчестер Сити" Мадриднинг "Реал" клуби ярим ҳимоячиси ва сардори Федерико Вальвердени сотиб олиш бўйича таклиф тайёрламоқда.

Бу ҳақда журналист Экрем Конур X ижтимоий тармоғидаги саҳифасида хабар берди.

Манбанинг хабарига кўра, 27 ёшли футболчи ушбу трансферга қарийб 90 миллион евро сармоя киритишга тайёр бўлган "шаҳарликлар"нинг асосий мақсадларидан бирига айланди.

Якунланган мавсумда Вальверде барча турнирларда 49 та ўйинда иштирок этиб, тўққизта гол ва 13 та голли узатмани амалга оширди. Футболчининг клуб билан амалдаги меҳнат шартномаси 2029 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 120 миллион еврони ташкил қилади.