24 фев 13:41
Янгиликлар

Футбол

"Манчестер Сити" собиқ футболчиси Ҳусановни мақтади

Теглар : Манчестер Сити Абдуқодир Ҳусанов

"Шаҳарликлар" собиқ аъзоси Пол Диков "Манчестер Сити" ҳимоячиси Абдуқодир Хусановнинг "Ливерпул"га қарши (0:2) Англия Премьер-лигаси 26-тур ўйинига баҳо берди.

Собиқ форвард Matchday LIVE эфирида 20 ёшли ўзбекистонлик футболчининг жамоаси мағлубиятга учраганига қарамай, футболчининг ҳаракатлари илиқ таассурот қолдирганини айтиб, "ажойиб" дея баҳолади.

Қайд этиш керакки, "Ливерпуль" билан ўйинда Ҳусанов бир йўла иккита кўрсаткич бўйича энг яхши деб топилганди – тўпга энг кўп тегиш (102), шунингдек, паслар аниқлиги (99%).

Бундан ташқари, Ҳусанов АПЛнинг 26-турида тўп учун курашда энг кўп (12 марта) ғолиб чиққан футболчи бўлди.

Маълумот учун, Диков футболчилик даврида "Арсенал", "Манчестер Сити" ва бошқа жамоалар шарафини ҳимоя қилган. У Шотландия терма жамоаси сафида 10 та ўйин ўтказган.