13 сен 14:53
Янгиликлар
Футбол
"Манчестер Сити" январь ойидаги трансфер мақсадини белгилаб олди
"Манчестер Сити" қишда янги форвард сотиб олмоқчи, дея хабар берди "Transfer News".
"Шаҳарликлар"да таркибни кучайтириш учун номзодларни кўриб чиқишга ҳали вақт бўлади.
Англия чемпиони ёзда ҳужумчи харид қилишни ўйлаб кўрган, аммо муносиб ўйинчилар топилмаганди. Бироқ "Манчестер Сити" катта эҳтимол билан январда яна бозорга қайтади.
"Шаҳарликлар" учун янги форвард билан шартнома имзолаш масаласи Хулиан Альварес "Атлетико"га ўтганидан кейин долзарб бўлиб қолди. Ҳозирда Эрлинг Ҳоланд "Манчестер Сити"даги ягона марказий ҳужумчи.
Норвегияликнинг ўзи жамоага етарлича гол олиб келмоқда. 24 ёшли форвард жорий мавсум АПЛда 3 та ўйин ўтказиб, 7 та гол урди.
Ҳавола :
Манба : Transfer News
Фикрлар