"Манчестер Сити"нинг август ойидаги энг яхши футболчиси маълум қилинди

Ярим ҳимоячи Райан Шерки август ойи якунларига кўра "Манчестер Сити"нинг энг яхши футболчиси деб топилди.

Ўтган ойда хавбек "Борнмут"га қарши ўйинда (2:1) иккита голли узатма берди ва "Кристал Пэлас" билан учрашувда (4:1) иккита гол урди. Шеркининг энг яқин рақобатчилари Марк Гехи ва Йошко Гвардиол бўлишди.

"Манчестер Сити" навбатдаги ўйинини АПЛнинг 3-тури доирасида бугун, 5 сентябрь куни ўз майдонида "Ковентри Сити"га қарши ўтказади.

Райан Шерки 2025 йилнинг ёзидан бери "шаҳарликлар" сафида тўп суриб келмоқда. Хавбекнинг клуб билан шартномаси 2030 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 90 млн еврони ташкил этади.