"Манчестер Юнайтед" деярли 60 млн евро турадиган футболчига қизиқиш билдирмоқда

"Қизил иблислар" англиялик футболчи жамоага етишмаётган классни олиб келади деб ҳисобламоқда. "Кристал Пэлас" Эзенинг трансферидан 50 млн фунт (58,5 млн евро) ишлаб олмоқчи. Таъкидланишича, "Манчестер Юнайтед" ушбу келишувга вингер Маркус Рэшфордни ҳам қўшиши мумкин.

Эзе жорий мавсум барча мусобақаларда 36 та ўйинда майдонга тушиб, 7 та гол ва 11 та голли узатмага муаллифлик қилди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 55 млн еврони ташкил этади.