"Манчестер Юнайтед" шов-шувли қадам тайёрламоқда

Англия гранди "Манчестер Юнайтед" марказий чизиқни "Ньюкасл" ярим ҳимоячилари Сандро Тонали ва Бруно Гимараес ҳисобига кучайтириш имкониятини ўрганмоқда.

"Topskills Sports UK" маълумотларига кўра, манкунианлар вакиллари икки футболчининг эҳтимолий трансфер шартлари бўйича дастлабки сўровни аллақачон юборган.

Хабар қилинишича, футболчиларнинг келажаги кўп жиҳатдан мавсум якунига боғлиқ. Агар "Ньюкасл" Чемпионлар Лигасига йўлланма ололмаса, клуб ёзги трансфер ойнасида ўзининг асосий ижрочилари бўйича таклифларни кўриб чиқиши мумкин.

25 ёшли Тонали ва 28 ёшли Гимараес "ҳаккалар"нинг марказий чизиғида энг муҳим фигуралардан бўлиб қолмоқда. Transfermarkt маълумотларига кўра, уларнинг ҳар бирининг бозор қиймати 75 млг евро деб баҳоланган.