15 авг 09:21
Янгиликлар

Теннис

Мария Шарапова иккинчи учрашувини иккинчи ракеткага қарши ўтказди

Россиялик теннис маликаси Мария Шарапова Цинциннати турнирининг иккинчи давра учрашувида кортга чиқди.

WTA рейтингида 97-поғонадан жой олган Шарапованинг рақибаси дунёнинг иккинчи ракеткаси австралиялик Эшли Барти бўлди. Бир соату 27 дақиқа давом этган баҳсда 32 ёшли Шарапова кучли рақибасига 4/6, 1/6 ҳисобида имкониятни бой бериб қўйди.

Икки теннисчининг ўзаро учрашувларидаги ҳисоб мувозанати тикланди - 2:2. Энди Эшли Барти Western & Southern Open турнирининг 1/8 финалида эстониялик Анетт Контавейтга қарши кортга чиқади. Анетт иккинчи даврада польшалик Ига Свёнтекдан устун келди - 6/4, 7/6(2).