05 окт 17:52
Янгиликлар

Бокс/ММА

Матиасдан чемпионлик камарини тортиб олган Лиам Паронинг илк рақиби ва жанг санаси маълум + ПОСТЕР

Шу йилнинг 7 декабрь куни Пуэрто-Риконинг Сан-Хуан шаҳрида профессионал бокс оқшоми ташкил этилади.

Оқшомнинг марказий жанги суперенгил вазн тоифасида IBF камари соҳиби, австралиялик Лиам Паро рингга кўтарилади. Унга ўша куни америкалик Ричард Хитчинс рақиблик қилади.

28 ёшли Паро июнь ойида айнан пуэрто-риколик Сабриэль Матиасни мағлуб этиб, IBF камарини қўлга киритган эди. Унинг ҳисобида 25 та жанг ва 25 та ғалаба (15 КО) бор.

27 ёшли Ричард Хитчинс эса ҳозирга қадар 18 та жанг ўтказиб, уларнинг барчасида рақибларидан устун келган.