08 апр 14:03
Янгиликлар

Теннис

Маттео Берреттини - Grand Prix Hassan II чемпиони!

Теглар : Маттео Берреттини Grand Prix Hassan II

Марокашнинг Марракеш шаҳрида теннис бўйича нуфузли ATP турнири якунланди.

Мусобақа бош соврини Маттео Берреттинига насиб этди. Италиялик теннисчи 2022 йилнинг июнь ойидан бери илк бор бош совринга эга чиқди. ATP рейтингида 135-поғонада бўлган Маттео финал баҳсида дунёнинг 64-ракеткаси испаниялик Роберто Карбальес-Баэнани мағлубиятга учратди - 7/5, 6/2.

Берреттини теннисчиларнинг ўзаро учрашувларида олдинда бормоқда - 3:1. Бир соату 46 дақиқа давом этган баҳсда Берреттини 4 тадан эйс ва брейкни амалга оширган. Иккала теннисчи ҳам 1 тадан қўшхатога йўл қўйган.

Бу италиялик теннисчининг фаолиятидаги саккизинчи соврин бўлди. US Open-2023 турнирида жароҳат орттириб олган Берреттини 7 ой давомида теннисдан четда бўлди. Бу у учун "таътил"дан қайтганидан кейинги иккинчи ATP турнири бўлди.

Марракеш турниридаги муваффақиятли иштирок италиялик ракетка устасига 250 очко ва 88,125 евро мукофот пули тақдим этди. Бугун эълон қилинган ATP рейтингида у Топ-100`га кириб олди.