Махачев фаолиятидаги энг қийин жанг ким билан бўлганини айтди

"Волкановски билан олдинги жанг ҳаётимдаги энг қийини эди, сабаби умримда биринчи марта беш раунд жанг қилгандим. Лекин шунга қарамай жуда кучли зарбалар йўллаган эдим. Ундан бу жангда ғалаба қозониш учун нима қилдинг деб сўранг. 

Баъзи одамлар жанг яқин бўлганини айтишади, чунки улар фақат охирги дақиқани кўришган. Аммо ММАни тушунадиган одамлар бир овоздан қарор билан ғалаба қозонганимни айтишади", - деди Махачев.

Эслатиб ўтамиз, Махачев ва Волкановски ўртасидаги реванш жанги 21 октябрь куни Абу-Даби (БАА) шаҳрида ташкил этиладиган UFC 294 турнири доирасида бўлиб ўтади.