Махачев Топурия билан амалга ошмай қолган жанг ҳақида гапирди

"Бу ерда ким қўрқоқлик қилганини иккаламиз ҳам биламиз. Қўрқоқлигингни ёвуз твитлар билан яширишинг мумкин, лекин ҳавотир олма - бир кун келиб ўзинг сўраган нарсангни оласан! Ва сенинг семиз менежеринг мен билан муштлашиши учун миллиардлаб пул талаб қилиши шарт эмас - биз буни бепул амалга оширамиз", - деб ёзди россиялик чемпион ижтимоий тармоқдаги саҳифасида.

Топуриянинг айтишича, Махачев тадбир расман эълон қилинишидан бир кун олдин жароҳати сабаб жангдан воз кечган, аммо UFC раҳбари Дана Уайтнинг таъкидлашича, ушбу жанг 14 июнь куни бўлиб ўтадиган байрам тадбири кардида тасдиқланмаган.

Натижада шоунинг асосий жанги енгил вазн тоифасида Илия Топурия ва Жастин Гэтжи ўртасидаги бирлаштирувчи жанг деб эълон қилинди. Турнирнинг иккинчи муҳим жанги эса оғир вазн тоифасида UFC вақтинчалик камари учун Алекс Перейра ва Сирил Ган ўртасида бўлиб ўтади.