Махачев UFC чемпионлик камари ҳимояси жангига тайёргарликни бошлади

Ислам Махачев июль ёки август ойида ўтказадиган ярим ўрта вазн тоифасидаги UFC чемпионлик камарини ҳимоя қилишга тайёргарликни бошлади.

Бу ҳақда россиялик жангчи жамоаси вакили Шамил Завуров "Ушатайка" каналига берган интервьюсида маълум қилди.

"Ислам аллақачон тайёргарлик кўра бошлаган. Яқинда жанг бўлади, менимча, июль-август ойларида. Рақиб ҳали аниқланмаган - музокаралар қизғин давом этмоқда, аммо ҳозирча бизга эълон қилинмаяпти", - деди Завуров.

Бир кун аввал Ислам Махачевнинг рақиби дивизионда иккинчи ўринни эгаллаб турган ирландиялик Йен Мачадо Гэрри бўлиши, сана сифатида эса иккита вариант - 11 июль куни Лас-Вегасда бўлиб ўтадиган UFC 329 ва 15 август куни Филаделбфияда ўтказиладиган UFC 330 турнири кўриб чиқилаётгани ҳақида маълумот берилган эди.