Махачевнинг жамоаси чемпионлик камарини йил охиригача ҳимоя қилиш шартини маълум қилди

Бу ҳақда россиялик жангчининг мураббийи Хавьер Мендес "Weighing In" подкастининг навбатдаги сонида маълум қилди.

"Ўйлайманки, у потенциал жиҳатдан декабрь ойидаёқ тайёр бўлиши мумкин. "Потенциал" деяпман, чунки ҳозир унинг хаёлида нималар борлигини аниқ билмайман. Лекин бир нарсани аниқ биламан: Ислам ҳеч қайси рақибдан бош тортмайди. Ягона савол – улар унинг қачон жанг қилишини хоҳлашади. Ҳаммаси шунда.

Сана муҳим ва унинг тайёргарлик кўриш учун етарли вақти бўладими, чунки у ҳар доим икки ойлик машғулотлар лагерини ўтказишни хоҳлайди. У олти ёки етти ҳафталик тайёргарликка рози бўлмайди. Исламга тўлиқ икки ойлик лагер керак", – деди америкалик мутахассис.

Ўтган ойда Ислам Махачев Филадельфияда бўлиб ўтган UFC 330 турнирида ирландиялик Йен Мачадо Гэррини ҳакамларнинг якдил қарори билан мағлуб этиб, чемпионлик камарини муваффақиятли ҳимоя қилганди. Унинг навбатдаги рақиби катта эҳтимол билан бразилиялик Карлос Пратес бўлади.

Ташкилотнинг жорий йилдаги якуний рақамли турнири 12 декабрь куни Лас-Вегасда бўлиб ўтадиган UFC 335 мусобақаси бўлади. Мавжуд маълумотларга кўра, унинг марказий жанги ўрта вазн тоифасида Шон Стрикленд ва Нассурдин Имавов ўртасидаги чемпионлик жанги бўлиши мумкин.