05 мар 12:55
Янгиликлар

Бокс/ММА

Махачевнинг менежери Исламнинг мағлубияти йўқ UFC жангчисига қарши октагонга чиқишига муносабат билдирди

Ярим ўрта вазн тоифасида амалдаги UFC чемпионининг янги вазндаги илк ҳимоя жангини кимга қарши ўтказиши кўпчиликни қизиқтирмоқда.

Россиялик 34 ёшли Ислам Махачевнинг менежери Али Абдел-Азиз ўз мижозининг навбатдаги рақиби ярим ўрта вазн тоифаси рейтингида учинчи ўринни эгаллаб турган эквадорлик 26 яшар UFC’нинг мағлубиятсиз жангчиси Майкл Моралес экани ва уларнинг жанги 12 июль куни Лас-Вегас (Невада штати, АҚШ) шаҳрида бўлиб ўтиши ҳақидаги миш-мишларни рад этди.

"Фейк янгиликлар", деб ёзди Абдел-Азиз ўзининг Х ижтимоий тармоғидаги саҳифасида.

Айни пайтда Махачев UFC’да 16 та ғалабали серия қайд этмоқда. Ислам ҳисобида жами 28 ғалаба ва битта мағлубият бор. У охирги жангини UFC 322 турнирида австралиялик Жек Делла Маддаленага қарши ўтказиб, ғалаба эвазига ўрта вазн тоифасидаги UFC чемпионлигини қўлга киритганди.