07 сен 13:27
Янгиликлар

Бокс/ММА

Махачевнинг мураббийи Ислам қачон октагонга қайтишини айтди

Америкалик тажрибали мураббий Хавьер Мендес енгил вазнда UFC чемпиони Ислам Махачевнинг қачон жанг ўтказиши ҳақида берилган саволга жавоб берди.

Аввалроқ Исламнинг камарига даъвогар Арман Царукян Махачев билан жанг декабрь ойида бўлиши мумкинлигини айтган эди.

"Исламнинг даволаниш жараёни давом этмоқда. Мен шуни кутяпман. Унинг қўли жароҳатдан фориғ бўлиб улгурди деб ўйламайман. У ҳозир машғулот ўтказмаяпти. Шулардан келиб чиқиб айтишим мумкин, жанг декабрь ойида ўтказилмайди. Катта эҳтимол билан у январь ёки февралда октагонга қайтади", — деди Мендес.

Эслатиб ўтамиз, Махачев 2 июнь тонгида UFC 302 турнири доирасида америкалик Дастин Порьени бешинчи раундда бўғиш усули билан мағлубиятга учратиб, енгил вазндаги UFC чемпионлик камарини ҳимоя қилган эди. Бу Исламнинг учинчи чемпионлик ҳимоя жанги эди.