14 янв 19:43
Янгиликлар

Бокс/ММА

Махачевнинг спарринг шериги Исламни мағлуб эта оладиган ягона жангчини айтди

Жош Томсон Ислам Махачевни мағлуб эта оладиган ягона жангчи ким эканини маълум қилди.

Енгил вазнда UFC чемпиони Ислам Махачевнинг (23-1) собиқ спарринг шериги Жош Томсон Исламни мағлуб эта оладиган ягона жангчи ким эканини айтди.

"Уни мағлуб эта оладиган ягона одам Бенил Дариуш - тамом! Фикримча, у Махачевни мағлуб этишга қодир ягона жангчи. У бошқача. Дариуш оддий жангчилардек жанг қилмайди. Сиз Ислам билан "стойка"да жанг қила оласизми? Кейин Ислам сизни партерга ўтказади. У билан курашармидингиз? Дариушга қаерда жанг олиб бораётганингизнинг аҳамияти йўқ", - деди Томсон.

Маълумот ўрнида айтиш жоиз, 2022 йилнинг 26 февралида Ислам Махачев ва Бенил Дариуш ўртасида жанг бўлиб ўтиши лозим эди, бироқ Дариушнинг жароҳат олиши ушбу тўқнашувнинг ташкил этилишига тўсқинлик қилган эди.