18 сен 18:40
Янгиликлар

Тадбирлар

Махсус ишчи гуруҳ Нукус олимпия захиралари коллежи фаолиятини ўрганди

Жисмоний тарбия ва спорт вазирлигининг махсус ишчи гуруҳи Қорақалпоғистон Республикасидаги фаолиятини давом эттирган ҳолда, туман ва шаҳарларда спортни оммалаштириш ва ривожлантириш бўйича айни пайтдаги ҳолатни ўрганиб таҳлил қилмоқда.

Ўрганишлар давомида Нукус олимпия захиралари коллежи фаолияти билан яқиндан танишилди ва муассаса ходимлари билан суҳбат ўтказилди. Суҳбат давомида коллеж меҳнат жамоаси ва ишчи гуруҳ иштирокида ижро интизоми ҳамда 2020/2021 ўқув йили бўйича амалга оширилаётган ишлар муҳокама қилинди.

Шунингдек, кадрлар салоҳияти ва тренерларга бўлган эҳтиёж ҳамда уни бартараф этиш бўйича мақсадли қабул бўйича таклифлар ўрганилди. Суҳбат давомида коллеж фаолиятини такомиллаштириш, ижро интизомини кучайтириш ва пандемия шароитида ўқув ва спорт машғулотларни тўғри ташкил этиш каби масалалар кўриб чиқилди.

Жисмоний тарбия ва спорт вазирлигининг махсус ишчи гуруҳи Қорақалпоғистон Республикасидаги фаолиятини давом эттирмоқда.