Майк Тайсон жанг олдидан интервью берди (ТЎЛИҚ)

Рой Жонс жангдан олдин нималар деди? (интервью)

Майк Тайсон ҳам саволларга жавоб берди. 

Савол: Бу жангга қадар жисмоний тайёргарлик бўйича босиб ўтган йўлингиз ҳақида гапирсангиз.  

Жавоб:  Ҳа, бу 45 килограммлик узоқ йўл. Диета, 2 соат югуриш йўлакчаларидаги машқ. Буларни барчаси қийин бўлди.

Савол: Фаолиятимда вазн ташлашда қийналмаганман дегансиз. Бу сафар ҳам бу жараён осон ва қизиқ кечдими?

Жавоб: Менга ҳозирги интервью ва эртага рингда жанг қилишим қизиқарли ва осон. Тайёргарлик жараёнини эса эслашни ҳам хоҳламайман, бу жуда қийин бўлди. 

Савол: Рой Жонс сизнингча қандай жанг олиб боради?

Жавоб: Мени бу ҳақида бир фикрим йўқ. Эртага рингга чиқамиз ва ҳаммасини билиб оласиз. Кўп тарафларма бу жанг кўнгилочар ҳисобланади.

Савол: Жангда қандай натижа қайд этилади деб ўйлайсиз?

Жавоб: Биз ўз даврининг энг кучли панчерлари бўлганмиз. Ҳамма нарса бўлиши мумкин. 

Савол: Сизда ҳали ҳам бунга қодирсизми, нокаут қайд эта оласизми?

Жавоб: Кўрамиз. 

Савол: 30 йил олдинги машғулотлар орасида фарқ борми. Умуман 30 йил олдинги Тайсон ва ҳозирги Тайсон?

Жавоб: Албатта, бироз фарқлар бор. Асосий ишлар ҳали ҳам ўша. Ўзимга келсак, мен ўзгардим. Ҳозир руҳий ҳолатим энг яхшиси. Мен 30 йил олдинги хатоларни англадим. Ҳозир эса ўзим ёқтирган ишга яна қайта олдим.

Савол: Эртанги жангда омадга эришсангиз нима қиласиз?

Жавоб: Омадга? Бизни тириклигимизнинг ўзи омад. Менга сен 54 ёшсан, уддалай олмайсан дейишди. Мен эса иштиёқ туфайли шу ерга етиб келдим. Умуман, биз шу ердалигимизни ўзи омад.

Хорижий сайт асосида Жалолхон тайёрлади