Майк Тайсон: "Менга қарши жанг Мейвезер учун нокаут билан якунланади"

"Флойднинг ўзи бу жангни хоҳлаганди, аммо унинг учун барчаси нокаут билан якунланадиганга ўхшайди. Бундай жанг унинг илгари қилган барча ишларини сояда қолдиради ва боксни янги босқичга олиб чиқади. Ҳозир жуда яхши ҳолатдаман, ўтган жангдан хулоса чиқариб, хотиржам бўлдим. Кейинги жангда яхшироқ ҳаракат қилишимни ҳис этяпман", - деди Темир Майк.

Эслатиб ўтамиз, 2024 йил ноябрь ойида Тайсон америкалик блогер Жейк Полга саккиз раундлик жангда мағлуб бўлганди. Шу йил 30 июнь куни Майк 60 ёшга тўлади. 48 ёшли кичик Флойд Мейвезер эса сўнгги жангини 2024 йилнинг августида Жон Готти III га қарши ўтказган. Бу кўргазмали жанг мақомида бўлиб, унда ғолиб расман эълон қилинмаган эди. Мейвезернинг вазни ўшанда 72 килограммни ташкил этлганди.

Майк Тайсон - Флойд Мейвезер кўргазмали жанги март ойида бўлиб ўтиши кутилмоқда. Уни Африка давлатларидан бири қабул қилиши мумкин.