Майкл Пейж бўйича UFC ўз қарорини эълон қилди

Шарҳловчи Жон Морганнинг хабар беришича, UFC рейтингларини тузишда иштирок этувчи журналистларга Пейжни рўйхатдан чиқарилгани ҳақида билдиришнома келган. "Ҳурматли экспертлар кенгаши аъзолари! Майкл Пейж ҳозирги вақтдан бошлаб рейтингдан чиқарилди. Агар сиз уни ўрта вазн тоифасидаги рейтингингизга киритган бўлсангиз, илтимос, ушбу вазндаги рейтингни 15 нафар спортчидан иборат бўлиши учун ўзгартиринг", — дейилади билдиришномада.

Рўзибоевга қарши кечган ўта суст жангдан кейинги интервьюда Майкл ўз чиқишини энг яхши даражада бўлмаганини тан олган, бироқ UFC у билан янги шартнома имзолашига умид билдирганди.

"Мен UFC вакиллари билан ўтириб, улар билан очиқ гаплашиб оламан, — деб ваъда берди Пейж. — Уларга шундай дейман: “Эшитинг, мен ундан ҳам яхшироқ жанг қила олишимни тушуниб турибман. Ва мен яхшироқ бўлишни хоҳлайман. Менга кучлироқ рақиблар беринг, мен мухлисларга ёқадиган жанг кўрсата олишимга ишонаман”.