Майкл Пейж эртанги жанг олдидан Нурсултон Рўзибоевга маслаҳат берди

"Одамлар менинг жангларим ва услубимни ташқаридан таҳлил қилишлари мумкин, аммо октагонга киришганида карахт бўлиб қолишади. "Улар мени тутиб олиш осон деб ўйлашади, зарба беришга ҳаракат қилишади, лекин мен у ерда бўлмайман. Натижада рақибларим ўта эхтиёткор, ҳимоявий услубга ўтиб қолишади. Нурсултоннинг ўзига ишончи баландлигидан хурсандман, шундай ҳам бўлиши керак. Лекин ҳақиқат шундаки, гарчи ёшим рақибларимнинг аксариятидан катта бўлса-да, тезлигим ўша-ўша — мен ҳамон улардан анча тезман.

Агар у мен билан тик турган ҳолда жанг қилишга қарор қилса, бу унинг учун катта хато бўлади. Нурсултон мени худди яхши кўргандек қаттиқ қучоқлаб олади деб ўйлайман. Умуман олганда, ким бўлишингиз ва қандай базага эга эканлигингиздан қатъи назар — хоҳ кикбоксчи бўлинг ёки бошқа — менинг қаршимда турганда мендан тезроқ ҳаракат қила олмайсиз. 

У жуда катта йигит, бўйи ҳам баланд. Шунга қарамай, рақибим учун мукаммал масофани топа оламан. У барибир мендан секинроқ ҳаракат қилади", деди Пейж.

Нурсултон Рўзибоев ва Майкл "Веном" Пейдж ўртасидаги жанг эртага, 5 сентябрь куни Франция пойтахти Париж шаҳрида бўлиб ўтади.